Mae camu i rôl Prif Swyddog CGGC yn fy llenwi â chyffro aruthrol ac ymdeimlad dwys o bwrpas. Nid dim ond dilyniant gyrfa i mi yw’r cyfle hwn; mae'n gyfle i gyfrannu'n weithredol at dwf a lles y sector gwirfoddol yng Nghonwy, cymuned yr wyf wedi bod yn rhan o drwy gydol fy oes. 

Rwy’n hynod ddiolchgar am y sylfaen a osodwyd gan fy rhagflaenydd Wendy Jones ac yn teimlo cyfrifoldeb cryf i adeiladu ar ei gwaith. Rwy’n hynod ddiolchgar am ei chefnogaeth a’i hanogaeth i ymgymryd â’r rôl hon.

Mae fy ngweledigaeth ar gyfer CGGC yn ymwneud â pharhau â’r gwaith gwych yr ydym yn ei wneud yn barod, ond hefyd bod yn rym ar gyfer newid cadarnhaol, gweithio ar y cyd ag amrywiol randdeiliaid i fynd i’r afael ag anghenion cymunedol a hyrwyddo cynhwysiant yn ogystal â sicrhau bod y materion sy’n effeithio ar y sector gwirfoddol yn cael eu clywed.

Wrth ymgymryd â rôl y Prif Swyddog daw ymwybyddiaeth o heriau a chyfleoedd. Mae natur newidiol y trydydd sector yn gofyn am allu i addasu ac arloesi, ac rwyf wedi ymrwymo i arwain CGGC gyda gwydnwch a meddylfryd blaengar.

Fel y Prif Swyddog newydd, rwy'n barod i arwain CGGC i ddyfodol bywiog wedi'i nodi gan gydweithio, ymgysylltu â'r gymuned, ac ymrwymiad cadarn i'r gwerthoedd sy'n sail i'n cenhadaeth ac edrychaf ymlaen at weithio'n agos gyda chi i gyd.

Elgan Owen

Diolch i bawb a fynychodd ein Cyfarfod Cyffredinol Blynyddol 2023 sef ein 25ain CCB. 

Byddwch yn cofio inni ddathlu 25 mlynedd o gefnogi gweithgarwch gwirfoddol yng Nghonwy y llynedd gyda’n Ffair Arianwyr yn Neuadd y Dref Llandudno. 

Fe sylwch inni fynd yn fwy a hyd yn oed yn well eleni trwy gynnal cynhadledd Trydydd Sector wych yn Venue Cymru. Diolch i bawb sydd wedi bod yn rhan o’r trefnu. 

Hoffwn gymryd y cyfle yma i wneud cyhoeddiad enfawr - bydd ein Prif Swyddog annwyl ac uchel ei pharch, Mrs Wendy Jones yn ymddeol yn gynnar yn 2024.

Dim Risg. Dim Ffioedd. Mwy o Godi Arian!

Amgueddfa Syr Henry Jones yn Llangernyw yw cartref plentyndod Syr Henry Jones (1852 - 1922) a ddaeth, o wreiddiau diymhongar, yn Athro Athroniaeth Foesol o fri ym Mhrifysgol Glasgow ac yn ddylanwad mawr ar y gyfundrefn addysg yng Nghymru. Maent yn chwilio am Drysorydd Gwirfoddol newydd i ymuno â'u Bwrdd Ymddiriedolwyr presennol. Mae hwn yn gyfle gwych i bobl sydd â chefndir / diddordeb mewn cyllid a chyfrifon, i'w helpu i gynnal cofnodion a gweithdrefnau ariannol priodol. Ni fyddai'r rôl yn un feichus, ac fel arfer dim ond ychydig oriau'r mis y byddai eu hangen, o dan drefn hyblyg. Fodd bynnag, maent yn dymuno penodi rhywun am gyfnod o ddwy flynedd. Maent hefyd yn chwilio am Wirfoddolwyr Amgueddfa i ymuno â'u tîm. Mae hwn yn gyfle gwych i bobl sydd â diddordeb mewn hanes, diwylliant, neu a hoffai fod yn rhan o fenter gymunedol. Mae cyfleoedd i chi ddefnyddio’ch sgiliau a’ch diddordebau i helpu gyda sawl rôl, gan gynnwys: helpu gyda chynnal a chadw’r adeilad a’r tiroedd, gofalu am yr ardd Fictoraidd, marchnata a hyrwyddo’r amgueddfa i wahanol gynulleidfaoedd drwy blatfformau gwahanol, a chroesawu ymwelwyr. Byddai unrhyw hyfforddiant / arweiniad sydd ei angen yn cael ei ddarparu.

Helpwch ferched i fagu hyder, cael anturiaethau a dysgu sgiliau newydd gyda Girlguides Adran Colwyn. Does dim ots beth yw eich profiad neu gefndir, na faint o amser sydd gennych chi. Mae gennym ni 9 uned ar draws Rhanbarth Colwyn, o Abergele i Fae Colwyn. Wrth galon y Girlguides mae'r cyfarfodydd uned mae’r merched yn mynd iddynt yn rheolaidd. Mae gwirfoddoli mewn cyfarfodydd uned yn cynnwys bwrw iddi, cyfarfod pobl newydd a chynnal gweithgareddau sy'n helpu merched i wybod bod posib iddyn nhw wneud unrhyw beth. Byddwch yn gwirfoddoli’n uniongyrchol gyda phobl ifanc a gallwch ddewis gweithio gyda merched o wahanol grwpiau oedran rhwng 4 a 18 oed yn y Rainbows, y Brownies, y Guides neu’r Rangers a helpu yn ystod cyfarfodydd wythnosol, dan do ac yn yr awyr agored. Mae’r cyfarfodydd yn cael eu cynnal un noson yr wythnos a gallwch chi helpu fel rydych yn dymuno. Mae’r holl hyfforddiant yn cael ei ddarparu, gan gynnwys cymhwyster arwain fel eich bod yn gallu arwain eich uned eich hun os ydych chi eisiau gwneud hynny.

Mae Gofal Canser Tenovus yn elusen sy'n deall beth yw byw gyda chanser a sut mae'n effeithio ar deuluoedd a ffrindiau hefyd. Maen nhw’n cynnig gwybodaeth, cyngor a chymorth ymarferol ac emosiynol fel bod pobl yn gallu adennill rhywfaint o reolaeth dros eu bywydau a byw gyda chanser cystal â phosibl. Mae'r Unedau Cymorth Symudol yn dod â thriniaeth canser i'r gymuned ac yn nes at adref. Rydym yn chwilio am wirfoddolwyr i ddarparu cefnogaeth ar ddesg dderbynfa’r Clinig Symudol arbenigol (y cyntaf o’i fath yn y byd!), fel bod posib parhau â chefnogaeth i gleifion y GIG a’u hanwyliaid. Bydd y tasgau'n cynnwys: croesawu cleifion a'u teuluoedd i’r Uned Cymorth Symudol; ymgymryd â sgiliau gweinyddol sylfaenol gan gynnwys cymryd manylion cleifion, cynnig paned i bob ymwelydd, a hysbysu ymwelwyr am y gwasanaethau sydd ar gael. Os oes gennych chi sgiliau cyfathrebu rhagorol ac agwedd gyfeillgar a brwdfrydig, gyda sgiliau gwasanaethau cwsmeriaid gwych, dyma'r cyfle i chi. Byddwch yn cael cyflwyniad i’r elusen a bydd tîm yr Uned Symudol yn eich cefnogi chi yn eich rôl. Mae’n bosibl y bydd cyfle hefyd am hyfforddiant pellach fel Sgiliau Cefnogol a Budd-daliadau Lles a bydd gennych fynediad i system hyfforddi e-ddysgu.

Mae Amdani! Conwy yn awyddus i recriwtio banc o Gefnogwyr Amdani! Llawrydd, rôl gefnogol newydd sy’n rhoi cymorth personol i’n gwirfoddolwyr anabl a b/Byddar. 

Mae’r unigolion a benodir i’r rolau hyn yno i fod yn gyfaill cefnogol i wirfoddolwyr yn ystod eu shifftiau gwirfoddoli ac wrth gymryd rhan yn nigwyddiadau a phrosiectau arbennig Amdani! Conwy. 

Bydd y rôl hon yn estyniad o rôl y gwirfoddolwyr, gan roi’r cymorth angenrheidiol sy’n galluogi gwirfoddolwyr i gael profiad gwirfoddoli llawn.

Dysgwch ragor am y rôl hon a sut i wneud cais yma!