Gweithio yn y trydydd sector? Oes gan eich grŵp chi syniad am brosiect? Chwilio am gyllid?
     Mae CGGC yn hyrwyddo ‘Cyfarfod y Cyllidwr’ misol yn benodol ar gyfer grwpiau a sefydliadau cymunedol. Yn bresennol mae'r canlynol:
Cronfa Gymunedol y Loteri Genedlaethol, Cronfa Fferm Wynt Coedwig Clocaenog, Cronfeydd Ffermydd Gwynt Gwastadeddau'r Rhyl a Gwynt y Môr, a Swyddog Cyllid CGGC.
     Os na allwn eich helpu yn uniongyrchol byddwn yn gwneud ein gorau i'ch cyfeirio at asiantaethau cyllido priodol eraill. I archebu lle, cysylltwch â ni nawr ar grants@cvsc.org.uk
     Rydyn ni'n edrych ymlaen at eich cyfarfod chi'n fuan!

Oeddech chi'n gwybod? 🧐

Yn ogystal â'r grantiau niferus y mae CGGC yn eu gweinyddu, mae gennym ni hefyd Swyddog Cyllid Cynaliadwy sy'n gallu cynorthwyo grwpiau yng Nghonwy nad ydynt efallai'n gymwys ar gyfer ein cyllid grant ni ein hunain neu sy'n chwilio am gyllid cyfatebol.

Gall ein Swyddog Cyllid wneud y canlynol:

• dod o hyd i gyllid i chi
• eich helpu gyda'ch gweithgareddau codi arian
• cynorthwyo gydag unrhyw gais am gyllid.

Am ragor o wybodaeth, cysylltwch! 01492 523842

CRONFA MEICRO YN ÔL AR AGOR - Cronfa Ffyniant Gyffredin y DU - Cronfa Allweddol y Sector Gwirfoddol

Mae Cymorth Cymunedol a Gwirfoddol Conwy (CGGC) yn gweinyddu Cronfa Allweddol y Sector Gwirfoddol: cronfa o £800,000 ar gyfer grwpiau trydydd sector yng Nghonwy, a ariennir gan Gronfa Ffyniant Gyffredin y DU.
Mae tanwariant yn y Gronfa Ficro. Mae ceisiadau bellach wedi ailagor ar gyfer grantiau o hyd at £1,999 ar sail y cyntaf i'r felin. Ni dderbynnir ceisiadau gan sefydliadau sydd eisoes wedi derbyn cyllid gan Gronfa Allweddol y Sector Gwirfoddol.

Mae Cronfa Allweddol y Sector Gwirfoddol wedi'i hanelu at brosiectau yng Nghonwy a fydd yn cefnogi cyflawni rhai o nodau Cronfa Ffyniant Gyffredin y DU: 

• Prosiectau Gwirfoddoli Effeithiol a/neu Weithredu Cymdeithasol
• Meithrin Capasiti a Chefnogaeth Seilwaith ar gyfer Grwpiau Lleol
• Cynlluniau Ymgysylltu â'r Gymuned, Adfywio Lleol
• Mesurau cymunedol i leihau costau byw
• Astudiaethau Dichonoldeb Perthnasol

Rydym yn eich annog i gael sgwrs anffurfiol gyda swyddog grantiau CVSC cyn llenwi'ch cais. I gael rhagor o wybodaeth, cysylltwch â thîm grantiau'r CGGC ar grants@cvsc.org.uk / 01492 523845 ac ymweld â'n gwefan: CVSC - Cronfa Allweddol Sector Gwirfoddol - Cronfa Ffyniant Gyffredin y DU

Mae Loto Lwcus yn ddatrysiad codi arian ar-lein dim risg, dim ffioedd – a nawr mae gennym reswm ychwanegol i gofrestru – Taleb Sainsbury’s gwerth £1,000. Mae'n Sefyllfa Ennill Pan ydach yn Chwarae Loto Lwcus. Mae ein loteri eisoes yn helpu achosion lleol i godi arian diderfyn trwy gydol y flwyddyn. Gall y rhan fwyaf o grwpiau di-elw gofrestru i ddechrau defnyddio'r ateb codi arian cymunedol ar-lein hwn heddiw! Bydd eich cefnogwyr yn cael cyfle i ennill gwobrau ariannol wythnosol o hyd at £25,000! Hefyd, os ydych wedi cofrestru a’ch cymeradwyo cyn dydd Sadwrn 30 Mawrth byddwch yn cael mynediad at y wobr atodol genedlaethol ychwanegol i’w hyrwyddo i ddarpar gefnogwyr newydd – Taleb Sainsbury’s gwerth £1,000! Mae pawb ar eu hennill, gan fod y rhan fwyaf o gefnogwyr yno i gefnogi eich achos – dim ond bonws ychwanegol yw’r cyfle i ennill y wobr anhygoel hon!

Ffair Gwirfoddoli 22 o Fawrth 2024

Fe fydd Tîm Gwirfoddoli CGGC yn cynnal Ffair Gwirfoddoli yng Nghanolfan Siopa BayView ym Mae Colwyn (uned wag wrth ochr i Specsavers), a hoffem eich gwahodd chi i fynychu fel stondinwr i hyrwyddo eich cyfleoedd gwirfoddoli.  Bydd y digwyddiad yma hefyd yn cynnwys elfen rwydweithio oherwydd byddwn yn dechrau'r diwrnod gyda sesiwn am gadw gwirfoddolwyr.

Trefn y diwrnod: 

10:30-11:30 - Rhwydwaith Trefnwyr Gwirfoddolwyr - ‘Cadw gwirfoddolwyr – y gwersi a ddysgwyd’, cyfle i rannu eich safbwyntiau a’ch profiadau gyda rheolwyr a chydlynwyr gwirfoddolwyr o’ch ardal leol. Hefyd bydd Amdani! Conwy yn rhannu eu cynghorion ar wneud gwirfoddoli yn hyblyg ac yn hygyrch.

11:30-12:00 – paratoi stondin 

12:00-4:00 - Ffair Wirfoddoli

Bydd te, coffi, cacennau a bisgedi yn cael eu darparu.

Archebwch eich lle cyn 15eg o Fawrth

Ewch ar antur gwirfoddoli newydd gydag Amdani! Conwy.

Mae Amdani! Conwy yn brosiect newydd sy’n agor cyfleoedd gwirfoddoli i drigolion lleol a’r cymunedau yn ein hardal i ddod yn llysgenhadon ar gyfer cynnig diwylliannol cyffrous Conwy.

Mae Amdani! Conwy yn cefnogi lleoliadau diwylliannol a threfnwyr digwyddiadau ac yn gweithio gyda'n cymunedau i wneud y celfyddydau, diwylliant a threftadaeth yn hwyl, yn hygyrch ac yn gynhwysol. Does dim rhaid i chi fod yn arbenigwr mewn diwylliant neu’r celfyddydau i gymryd rhan.

Gallwch fynegi eich diddordeb a chael eich rhoi ar restr aros ar gyfer ein ton recriwtio sydd ar ddod. Cyflwynwch eich datganiadau o ddiddordeb yma

Gweithdy Deuol DBS, dydd Iau 21ain o Fawrth

Mae CGGC yn falch iawn o groesawu Carol Eland, Swyddog Allgymorth Diogelu Rhanbarthol y Gwasanaeth Datgelu a Gwahardd (Cymru). Bydd yn cyflwyno Gweithdy Deuol ar Ddatgelu a Gwahardd. 

Diwrnod Presgripsiynu Gogledd Cymru

Dydd Iau 14eg o Fawrth 2024 10.00-3.00yp yng Nghlwb Rygbi Y Rhyl, Tynewydd Fields, Tynewydd Road, Rhyl. LL18 4AQ

Calendr o sesiynau hyfforddi a llesiant/gwybodaeth ar-lein rhad ac am ddim i ofalwyr ym mis Mawrth ac Ebrill 2024. 

MeTime sessions | Carers Wales (carersuk.org)

Edrychwch ar ein tudalen we newydd ar gyfer cefnogaeth ariannol ac ynni ar gael i drigolion Conwy.

Hwb Cymorth Cymunedol CGGC

Mae Hwb Cymorth Cymunedol CGGC yn gam cadarnhaol ac arwyddocaol i sicrhau bod trigolion Conwy yn cael mynediad ystyrlon i wybodaeth, arweiniad a chefnogaeth ymarferol gan ddarparwyr dibynadwy ledled yr ardal.

Bydd staff hyfforddedig a gwybodus CGGC wrth law i gefnogi preswylwyr sy’n dymuno cael gwybodaeth a chymorth ar ystod o faterion sy’n effeithio ar eu lles.

Yma yn CGGC, rydym yn cydnabod y rhwystrau y mae pobl yn eu hwynebu wrth gael mynediad at wybodaeth a chymorth, felly nid yw hwn yn wasanaeth cyfeirio arall eto - rydym yma i helpu. Dim ond un alwad i’n gwasanaeth ffôn pwrpasol sydd ei angen, i ddarganfod yr ystod lawn o wybodaeth, arweiniad a chefnogaeth a gynigir gan y sector gwirfoddol a chymunedol a sut y gall fod o fudd i’ch lles eich hun.